Tutor Num168297

本人考獲ABRSM 8級鋼琴Merit，7級Distinction，5級樂理Merit，亦有出去比賽攞過獎。現正就讀護理學士課程，同時提供鋼琴教學及陪練服務。 我有私教同小型補習社嘅工作經驗，主要教4歲至5級嘅學生。喺補習社嗰陣接觸過唔同性格嘅小朋友，慢慢學識點樣應對坐唔定、怕難、容易分心嘅情況。我發現每個小朋友嘅學習節奏都唔同，所以唔會一刀切用同一套方法教，而係按佢哋嘅進度同性格去調整。 教學方面，我著重基本功，包括手勢、指法同閱譜能力。我成日同家長講，與其急住考級，不如打好個底，第時上到高級就唔使從頭改壞手勢，仲輕鬆過人。如果你小朋友本身彈壞咗手勢，我都好樂意幫手執返正。 除咗正式教琴，我亦提供陪練服務。如果你小朋友已經有固定老師，但家長唔得閒陪練，或者自己唔識睇譜唔知佢彈得啱唔啱，我可以每週上門幫手練熟指定曲目，重點執錯音、拍子同指法。每次陪練之後，我會WhatsApp簡單匯報進度，等家長知道練成點、仲有咩要留意。 我本身讀護理，對小朋友有耐性，喺補習社累積咗管理課堂秩序嘅經驗，所以就算係比較活躍嘅小朋友，我都識得點樣引導佢專心。我深信學琴唔應該淨係為咗考試，更重要嘅係小朋友學得開心之餘有進步，家長又唔使勞氣。 上堂時間主要係平日下晝同星期六日，地點可以上門或者嚟我度，大家就吓。如果有興趣，歡迎約一次***，夾唔夾到最緊要，謝謝你嘅考慮！